वाघोलीत ६८ व्या महाराष्ट्र केसरी स्पर्धेत हर्षवर्धन सदगीर यांचा विजय

वाघोली : येथे पार पडलेल्या महाराष्ट्र केसरी कुस्ती स्पर्धा च्या अंतिम लढतीत हर्षवर्धन सदगीर यांनी दमदार कामगिरी करत महाराष्ट्र केसरीचा मानाचा किताब पटकावला. जिद्द, ताकद आणि उत्कृष्ट कौशल्याच्या जोरावर त्यांनी प्रतिस्पर्ध्यावर मात करत आपले नाव विजेत्यांच्या यादीत कोरले. या स्पर्धेत महेंद्र गायकवाड यांनी उपविजेतेपद मिळवत तितकीच प्रभावी कामगिरी केली. त्यांच्या खेळाने कुस्तीप्रेमींची मने जिंकली असून अंतिम सामन्यात दोन्ही पैलवानांमध्ये रंगलेली झुंज प्रेक्षकांसाठी रोमांचक ठरली. अंतिम फेरीतील सामना हा कुस्ती परंपरेचा मान उंचावणारा ठरला. महाराष्ट्राच्या मातीत रुजलेला कुस्ती हा रांगडा आणि पारंपरिक क्रीडाप्रकार असून आजही तरुणांमध्ये त्याबद्दल मोठी आवड दिसून येते. कुस्तीच्या माध्यमातूनच खाशाबा जाधव यांनी भारताला पहिले वैयक्तिक ऑलिम्पिक पदक मिळवून दिले होते. ही गौरवशाली परंपरा पुढे नेण्याचे कार्य आजचे तरुण पैलवान करत असल्याने क्रीडाप्रेमींमध्ये समाधानाचे वातावरण आहे. विजेत्या आणि उपविजेत्या दोन्ही पैलवानांवर अभिनंदनाचा वर्षाव होत असून त्यांच्या पुढील वाटचालीसाठी सर्व स्तरांतून शुभेच्छा दिल्या जात आहेत.