बारामती : भारतीय राष्ट्रीय काँग्रेसच्या वतीने देशभरात राबविण्यात येत असलेल्या 'संघटन सृजन' अभियानांतर्गत बारामतीमध्ये पदाधिकारी आणि कार्यकर्त्यांचा मेळावा उत्साहात पार पडला. या मेळाव्यात पक्षाच्या बळकटीकरणासाठी महत्त्वपूर्ण निर्णय घेण्यात आले असून, सुशांत दत्तात्रय सोनवणे यांची बारामती शहर काँग्रेस युवक प्रभारी अध्यक्षपदी निवड करण्यात आली आहे. पुणे जिल्हा युवक काँग्रेसचे अध्यक्ष उमेश पवार यांच्या सूचनेनुसार ही निवड जाहीर करण्यात आली. महाराष्ट्रात काँग्रेस पक्षाला तळागाळापर्यंत पोहचवून संघटना मजबूत करण्यासाठी 'संघटन सृजन' अभियान एक महत्त्वाचे पाऊल ठरणार आहे, असे यावेळी स्पष्ट करण्यात आले.
Post a Comment